ავერსი: გამოსახულია თამარ მეფის პორტრეტი წარწერით "თამარ მეფე.XIIს.", ხოლო მარცხენა მხარეს–გრიფონის გამოსახულება სამთავისის ტაძრის ფასადიდან. ქართული წარწერები: "საქართველო", "საქართველოს ეროვნული ბანკი", ნომინალის დასახელება, ეროვნული ბანკის პრეზიდენტისა და ფინანსთა მინისტრის ფაქსიმილეები, სერიული ნომერი, თარიღი და შვიდმკლავიანი ბორჯღალის გამოსახულება.

რევერსი: გამოსახულია ზოდიაქოს ნიშანი – "მშვილდოსანი" – XII საუკუნის ქართული მინიატურული ხელნაწერიდან. ინგლისური წარწერები: "GEORGIA" და ნომინალის დასახელება.