500 ლარიანი ოქროს საკოლექციო მონეტა საქართველოს ეროვნული ბანკის დაკვეთით 1995 წელს საფრანგეთში, პარიზის ზარაფხანაში მოიჭრა. მონეტა მიეძღვნა მეორე მსოფლიო ომის დამთავრებისა და ფაშიზმზე გამარჯვების 50 წლისთავს.

ავერსი: მონეტის ავერსზე ზედა ნაწილში გამოსახულია ბორჯღალი და დამზადების წელი–1995. ცენტრში ამოტვიფრულია რიცხვი 500, რომლის ქვემოთ იკითხება წარწერა "ლარი"–"LARI", ხოლო პერიმეტრზე(ქვედა ნაწილში) – წარწერა "საქართველოს რესპუბლიკა" – "REPUBLIC OF GEORGIA".

რევერსი: მონეტის რევერსზე მოცემულია ანტიფაშისტური კოალიციის სახელმწიფოთა მეთაურების სტალინის, რუზველტის, ჩერჩილისა და დე გოლის ბარელიეფური გამოსახულებები, რომლის ქვემოთ ამოტვიფრულია მეორე მსოფლიო ომის დამთავრების წელი 1945, ხოლო პერიმეტრზე(ქვედა ნაწილში) მათი გვარები "STALINE-ROOSEVELT-CHURCHILL-DE GAULLE". მონეტის წიბოზე გამოსახულია გამოშვებული მონეტის რაოდენობა, შესაბამისად დანომრილი 0001/2000 დან 2000/2000 მდე.